सोलापूर : सोलापूर जिल्हा परिषद आणि जिल्ह्यातील सर्व पंचायत समित्यांच्या पहिल्या बैठका २० मार्च २०२६ पूर्वी घेणे बंधनकारक करण्यात आले आहे. राज्य शासनाच्या महाराष्ट्र ग्रामविकास विभागाने याबाबत जिल्हाधिकाऱ्यांना स्पष्ट आदेश दिले आहेत.
नुकत्याच पार पडलेल्या निवडणुकांनंतर आता अध्यक्ष, उपाध्यक्ष तसेच सभापती-उपसभापती यांच्या निवडीसाठी या बैठका घेण्यात येणार आहेत. कायद्यानुसार निवडून आलेल्या सदस्यांचा कार्यकाळ हा पहिल्या बैठकीपासून सुरू होतो. त्यामुळे बैठक वेळेत घेणे अत्यावश्यक ठरते.
सोलापूरमध्ये राजकीय हालचालींना वेग
या निर्णयामुळे सोलापूर जिल्हा परिषदेत अध्यक्षपदासाठी इच्छुक गटांनी हालचाली सुरू केल्या आहेत. पंचायत समित्यांमध्येही सभापती पदासाठी जोरदार चुरस पाहायला मिळण्याची शक्यता आहे.राज्य शासनाच्या आदेशानंतर आता सर्वांचे लक्ष जिल्हा परिषद व पंचायत समित्यांच्या पहिल्या बैठकीकडे लागले असून, पुढील काही दिवसांत जिल्ह्यातील राजकीय समीकरणे अधिक स्पष्ट होण्याची शक्यता व्यक्त केली जात आहे.
