अक्कलकोट – अक्कलकोट नगर परिषद यांच्या वतीने शहरातील मावा व गुटखा विक्रेत्यांवर मोठी दंडात्मक कारवाई करण्यात आली.
नगराध्यक्ष मिलन कल्याण शेट्टी नगर परिषदेचे मुख्याधिकारी रमाकांत डाके आरोग्य सभापती अविनाश मडीखांबे, आरोग्य अधिकारी नितीन शेंडगे, नगरपरिषदेचे कर्मचारी तसेच वरिष्ठ पोलीस निरीक्षक दीपक भिताडे यांच्या पथकाने ही कारवाई केली.
दोन दिवसांपूर्वी नगरपरिषदेच्या माध्यमातून शहरात मावाबंदीबाबत आवाहन करण्यात आले होते. मात्र या आवाहनानंतरही काही ठिकाणी सर्रासपणे मावा व गुटखा विक्री सुरू असल्याचे निदर्शनास आल्याने संबंधित दुकानांवर छापे टाकून दंडात्मक कारवाई करण्यात आली. या कारवाईमुळे नागरिकांनी समाधान व्यक्त केले असून, यापुढे नियमांचे उल्लंघन करणाऱ्यांवर याहून कठोर कारवाई करून गु
न्हे दाखल करण्यात येतील, असा इशारा नगर परिषद व पोलीस प्रशासनाने दिला आहे.