दिलीपराव माने विद्यालयाचा दहावीचा निकाल 93.93 टक्के; समीक्षा डोके प्रथम
होनसळ विद्यालयाच्या यशस्वी परंपरेला कायम ठेवत विद्यार्थ्यांची उज्ज्वल कामगिरी
सोलापूर : प्रतिनिधी
होनसळ येथील दिलीपराव माने विद्यालयाचा इयत्ता दहावी फेब्रुवारी 2026 परीक्षेचा निकाल उल्लेखनीय लागला असून विद्यालयाने तब्बल 93.93 टक्के निकालाची उज्ज्वल नोंद केली आहे. विद्यार्थ्यांच्या यशामुळे परिसरात आनंदाचे वातावरण निर्माण झाले आहे.
या परीक्षेत समीक्षा डोके हिने 87.20 टक्के गुण मिळवून विद्यालयात प्रथम क्रमांक पटकावला. स्नेहल पवार हिने 78.60 टक्के गुणांसह द्वितीय क्रमांक मिळविला, तर गणेश भोसले याने 76.80 टक्के गुण मिळवत तृतीय क्रमांक संपादन केला.
विद्यार्थ्यांच्या या यशाबद्दल संस्थेचे अध्यक्ष संभाजी भडकुंबे, संचालिका तथा माजी सभापती रजनी भडकुंबे, उपाध्यक्ष अभिजीत भडकुंबे, सचिव विकास बनसोडे, सहसचिव अमित भडकुंबे तसेच मुख्याध्यापक राजेंद्र मोहोळकर यांनी यशस्वी विद्यार्थ्यांचे, शिक्षकांचे व पालकांचे अभिनंदन करून पुढील शैक्षणिक वाटचालीस शुभेच्छा दिल्या.